கர்ணா- சிவந்தது கைகளோ !

 

அதிகாலை பொழுதினிலே- மேகத்தின் நடுவினிலே,

தேவர்களோ ரதத்திலே- உலா வந்து கொண்டிருக்க ,

அழகிய சிரிப்பொலி காதினிலே -விழக்கேட்ட

தேவர்களின் கண்களுக்கு, 

தென்பட்டது ஒரு குழந்தை

 பூமிதனில் _ சிரிக்கின்றான் !சிணுங்குகிறான் ! கைகளை ஆட்டி மகிழ்கின்றான் !

  கவசகுண்டலம் அவன் வசமே_ காணும் அழகெல்லாம் அவன் வசமே !ஆனந்தம் அடைந்த தேவர்களோ - ஆசையோடு வாரி அணைப்பதற்கு, கைகளை நீட்டி அழைத்தனரே- 

"யாசகம் கேட்க வந்தனரோ"  என நினைத்த மழலை அவன் ..

தன் ஆபரணத்தை கழற்றி நீட்டுகின்றான் .    'வருங்காலத்தில் கர்ணன் *நானே 'என விழைகின்றான். 

  குழந்தையாக இருக்கும்போதே கர்ணன்  கொடை வள்ளலாக திகழ்ந்தவன். அதனால்தான் இன்றும் அவன் புகழ் நிலை பெற்று இருக்கின்றது.

 ஒருநாள் கர்ணன் அயர்ந்து உறங்கிக் கொண்டிருக்கையிலே, அவனுக்குள் இருக்கும் ஆத்மாவாகிய தானமும், தவமும், பொழுதுபோக்குக்காக பேசிக்கொண்டே வருகையிலே , நடந்த உரையாடலை சற்றுப் பார்ப்போமா!

தானம் _"பெரும்புகழை அள்ளி

கொடுப்பவன் நானல்லவோ"

   தவம் _"தவமின்றி தானமேது ? அனைத்து புகழும் எனக்கல்லவோ!"

 தானம்  _"ஒருக்காலும் கிடையாது நெஞ்சம் நெகிழ வாழ்த்து பெற்று  , 

பூர்வ  ஜென்மபாவத்தை  தீர்த்து 

வைத்து, மோட்சத்திற்கு அழைத்துச் செல்வது , அனைத்து பெருமையும் உடையவன் யாமே ".   

  

    தவம்  _" ஓ..நீ சொல்வது சரிதான் - ஆனால்  தவமின்றி பொன்னேது!  பொருள் ஏது? ஆரோக்கியம் என்பதேது!இது மட்டுமன்றி

 குழந்தைச் செல்வம் தான்  ஏது? பார்க்கப்போனால் பதினாறு பேறுகளையும், (செல்வங்களையும்) பெற்றுத்தருவது நானே ..நானே.. நானே..

  (மூச்சு வாங்குகிறது தவத்திற்கு )

நானே பெரியவன் 

இல்லை இல்லை 

நானே பெரியவன் 

வாக்குவாதம் முடிவிலே,

 தம்முடைய வேலைகளை 

செய்ய மாட்டேன் -என

 பிடிவாதம் முத்தி போக 

தானமும் , தவமும்செயலற்று

 நின்று விட்டன. 

காலையிலே கர்ணனாலே 

எழுந்திருக்கவே முடியல ..

நமக்கு இவ்வளவு சோர்வு 

எப்படி வந்தது ! என்று 

ஆச்சரியமுற்ற கர்ணனோ படுக்கையிலே..

 ஒரு  நாள் , இரண்டு 

மூன்று நாள் ஆச்சு .

.இது ஒன்றும் சரிவராது

 என,மனமோ -எழுந்தது.

 தவத்தையும் - தானத்தையும் அழைத்தது .ஒரு மனிதனுக்கு 

இரண்டு கண்கள் போன்றது 

தானம் ,தவம்  *  

என்பதை அறியாமல் போவீரோ..

 'தாம் வாழ்க்கையில் 

சீரும் சிறப்புமாய் 

நிலை பெற்று வாழ 

வேண்டும் 'என்று தவமிருந்து 

வரம் பெற்றாலும் , தானத்தின்  செயல்பாடுகளில் -சிறப்பு இல்லை என்றால் தவம் செய்து  

என்ன பயன்!

 தானமும் தவமும் தன் தவறை உணர்ந்தன .அடுத்தது என்னநடந்திருக்கும் !

கர்ணன் 

எழுந்து விட்டான்  

நம் நினைவுகளையும் 

தட்டி எழுப்பி விட்டான்..

 கர்ணனுக்கு மட்டுமா  

கைகள் சிவக்கும்! நம்முடைய

 கைகளும்  சிவந்த கைகள்தான் . நம்மால் முடிந்த அளவிற்கு 

பிறருக்கு உதவி செய்து 

மகிழ்ச்சியைக் கண்டு, வாழ்வின் பயனைஅடைவோமே.

Copyrighs at Balakshitha